Vajza që shihni në foto është Xhesina Gega, 24 vjeçe. Ditën e djeshme ajo u përplas nga 19 vjeçari Jehon Breçani, djai i sh zv.drejtorit të Policisë Erzen Breçani. Ngjarja e rëndë ndodhi në Tiranë, në rrugën Xhanfize Keko, ku fatkeqësisht e reja ka humbur njërën këmbë.
19 vjeçari i cili është arrestuar, po ecte me shpejtësi me makinën tip Mercedes, kur humbi kontrollin dhe përplasi vajzën e cila po priste një miken e saj në stacion. Më pas e përplasi atë mbi një mur e duke përfunduar në fund tek një pemë.
Pas dërgimit në spital, Xhesina Gega ka treguar se e mban mend gjithë skenën e ngjarjes dhe se në asnjë moment nuk e ka humbur vetëdijen.
“Mbaj mend të gjithë skenën. Po prisja një shoqe, në këtë moment shoh që më vjen një makinë. Nuk e kam humbur vetëdijen, kisha shumë dhimbje,” ka thënë ajo.
24 vjeçarja nuk ka qenë shtatzënë siç u raportua nga mediat. Prej gati një viti ajo ka përfunduar studimet për Mjekësi, për degën Teknikë e Lartë Laboratori. Xhesina nuk është takuar as me prindërit, pasi ata janë në Greqi.
