Sot shënohet një ditë shumë e rëndësishme dhe tepër e veçantë në familjen e ish-ministrit të Brendshëm, Sandër Lleshaj.
Vajza e tij Dorothea ka kurorëzuar në martesë dashurinë e saj me Manuelin dhe ceremonia është zhvilluar në Kishën Katolike të Tiranës. Ka qenë ish-boksieri i njohur, Luan Krasniqi që ka publikuar disa pamje nga festa.
“Njeriu lumturohet gjithsesi kur merr pjesë në një gazmend familjarë që me atmosferën e ngazëllyer, me tinguj të muzikës me shije, me mysafirë të hareshëm e gostitje profesionale, të bën të ndihesh si dasmor i ftuar me zemër. Ndaj, në këtë mënyrë, e falënderoj mikun tim Sander Lleshi, që me festen e organizuar për martesën e vajzës së tyre, na mundësuan të përjetojmë çaste shum të mira ne Tiranë. Çiftit të ri Dorotheas dhe Manuelit ju uroj shëndet e të mbara të përhershme”, shkruan Krasniqi.
Vihet re se nusja ka zgjedhur dy fustane të bardha, një për ceremoninë në kishë dhe një për festën e zhvilluar më pas. Në foto vihen re dhe shumë detaje të veçanta që kanë bërë diferencën në këtë ceremoni të thjeshtë martesore. Ish-ministri Lleshaj dhe bashkëshortja e tij shfaqen shumë të gëzuar krahas çiftit dhe krushqve, në këtë moment të rëndësishëm në jetën e tyre.
