Njerëzit që kanë lindur në maj janë të prirur të jenë optimistë, ndërsa ata që kanë lindur në nëntor priren ta shohin botën përmes lenteve të kundërta. Shumë studiues janë përpjekur të kuptojnë se sa të ndryshëm janë njerëzit dhe sesi këto ndryshime mund të lidhen me periudhën kur kanë lindur.
1.7 milionë njerëz janë studiuar për këtë arsye.
Të lindurit në Janar
Nëse keni lindur në janar, ju jeni më shumë sesa thjesht një i lindur në dimër. Keni lindur në muajin e parë të vitit, që do të thotë se keni shumë mundësi përpara. Njerëzit e lindur në janar kanë tendencë të ndjekin një karrierë në mjekësi, në banka apo edhe të bëhen atletë. Ka shumë të ngjarë të bëhen edhe krijues të famshëm.
Shëndeti ka tendencë të jetë më i mirë se mesatarja dhe ndoshta jeni të mbrojtur nga shumica e problemeve shëndetësore, veç atyre kardiovaskulare. Shëndeti mendor kërkon vëmendje. Skizofrenia dhe çrregullimi bipolar janë disa problematika.
Të lindurit në Shkurt
Të lindurit në shkurt priren të jenë më të lumtur me jetën e tyre dhe me karrierën e tyre. Shkurti është gjithashtu muaji i krijimtarisë dhe ju mund të jeni duke ndjekur një rrugë karriere si artist dhe madje të bëheni një person i famshëm.
Kur bëhet fjalë për shëndetin, jeni shumë të mbrojtur nga sëmundjet e përgjithshme. Plus, mund të keni një farë mbrojtje kundër sëmundjeve neurologjike, si dhe atyre të frymëmarrjes dhe riprodhimit.
Të lindurit në Mars
Marsi është muaji kur ne mirëpresim rrezet e diellit dhe nëse keni lindur në këtë muaj, atëherë ndoshta kërkoni vazhdimisht anën me diell të jetës. Shumica e njerëzve që kanë lindur në pranverë mund të jenë të ekspozuar ndaj hipertimisë, që do të thotë se ata janë gjithmonë me humor të mirë dhe pozitiv.
Kur bëhet fjalë për shëndetin, të lindurit në Mars mund të kenë nevojë të mbajnë sytë hapur për sistemin e tyre kardiovaskular.
Të lindurit në Prill
Ashtu si për njerëzit e lindur në mars, edhe ata të prillit priren të jenë shumë më pozitive në krahasim me njerëzit e lindur në dimër, verë dhe vjeshtë. Kur bëhet fjalë për karrierën, të lindurit e prillit mund të kenë mundësinë të zgjedhin nga mundësi të ndryshme.
Kujdes nga sëmundjet kardiovaskulare.
Të lindurit në Maj
Nëse keni lindur në maj, mund ta konsideroni veten me fat. Ju keni lindur të jeni optimist. Zgjedhjet tuaja në karrierë janë gjithmonë të hapura.
E njëjta gjë vlen edhe për shëndetin. Të lindurit e majit zakonisht nuk janë të prirur për ndonjë sëmundje me rrezik të lartë dhe kanë mbrojtje të lartë të përgjithshme ndaj tyre. Sidoqoftë, sipas studimeve, edhe pse ata janë optimistë, janë gjithashtu të prirur për depresion.
Të lindurit në Qershor
Janë optimistë si gjithë të lindurit në ditë pranverë-verë. Sidoqoftë, ata janë më të prirur ndaj ndryshimeve të humorit, në mënyrë të shpeshtë madje. Mund të keni arritje të mëdha akademike.
Nga ana shëndetësore, mund të keni probleme me rrugët e frymëmarrjes dhe sëmundjet kardiovaskulare. Zakonisht keni një mbrojtje ekstra ndaj sëmundjeve të organeve riprodhuese.
Të lindurit në Korrik
Sipas një studimi, nëse keni lindur në korrik mund të keni aftësinë të rregulloni vetë jetën tuaj emocionale dhe të kontrolloni agresivitetin tuaj. Keni shpirt artistik.
Kur bëhet fjalë për shëndetin ju mund të keni mbrojtje ndaj shëndetit riprodhues dhe shëndetit të përgjithshëm. Plus, gratë e lindura në korrik mund të hyjnë në pubertet pak më vonë në jetë.
Të lindurit në Gusht
Të lindësh në gusht do të thotë më pak qëllime akademike, por më shumë aftësi tek numrat. Sipas statistikave të 16 viteve të fundit, shumica e njerëzve kanë lindur në gusht. Keni shkëlqim, jeni optimist dhe pozitivë gjithashtu.
Nëse jeni një grua, mund të keni hyrë në pubertet më vonë, që do të thotë gjithashtu një jetë më e shëndetshme në moshën e rritur.
Të lindurit në Shtator
Njerëzit e lindur në vjeshtë kanë përgjithësisht nivele të ulëta depresioni. Të lindurit në shtator janë në rrezik të moderuar të shfaqjes së sëmundjeve por kanë një shans më të lartë për astmë.
Të lindurit në Tetor
Ashtu si njerëzit e lindur në shtator, të lindurit në tetor janë përgjithësisht të shkëlqyer në sport. Në fakt, ndërsa shumica e njerëzve që kanë lindur në vjeshtë janë të gjatë, ata që kanë lindur në tetor mund të jenë edhe më të gjatë.
Keni shanse të larta për sëmundje të ndryshme, por të ulëta për ato kardiovaskulare.
Të lindurit në Nëntor
Njerëzit e lindur në vjeshtë, përfshirë muajin nëntor, kanë tendencë të jenë tepër të përqendruar. Kombinuar me një rrezik të ulët depresioni, kjo mund t’u japë atyre një avantazh në jetën e tyre kur arrijnë qëllimet. Ata gjithashtu priren të jenë pesimistë.
Personat e lindur në nëntor, krahasuar me njerëzit e lindur në muajt e tjerë, kanë një rrezik më të lartë për problemet e frymëmarrjes, por mund të kenë mbrojtjen më të madhe ndaj sëmundjeve kardiovaskulare.
Të lindurit në Dhjetor
Nëse keni lindur në dhjetor, mund të jeni një nga njerëzit më të rrallë në botë, veçanërisht nëse ditëlindja juaj është në 24 ose 25. Kur bëhet fjalë për gjendjen shpirtërore, ju nuk irritoheni lehtë dhe jeni shumë më të qëndrueshëm në krahasim me njerëzit që kanë lindur në verë.
Mund të keni një rrezik më të lartë të kushteve riprodhuese, por keni tendencë të keni një shëndet të përgjithshëm më të mirë. Në fakt, sipas një studimi ju keni një shans më të lartë për të jetuar deri në 105 vjet ose më shumë.
