Komiteti Teknik i Ekspertëve për Covid-19 pritet të mblidhet brenda kësaj jave. Ministria e Shëndetësisë Ogerta Manastriliu bëri me dije se ekspertët po diskutojnë për një rihapje graduale të vendit pasi situata e koronavirusit vijon të jetë e qëndrueshme.
“Kjo situatë reflekton atë çfarë të gjitha përpjekjet tona. Komiteti Teknik i Ekspertëve është duke vlerësuar në dinamikë situatën. Besoj që brenda dy ditëve të ardhshme do kemi një mbledhje të komitetit të cilët janë duke shqyrtuar masat. Po mendohet një rivlerësim në kuadër të lehtësimit por do jetë një rihapje e kontrolluar që do të thotë graduale”.
Manastirliu e bëri këtë deklaratë nga Spitali Rajonal i Elbasanit, i cili nga kjo e martë i është rikthyer normalitetit dhe nuk ka më një pavion të dedikuar për të sëmurët me Covid.
