Gjon Muharremaj është këngëtari 22-vjeçar me origjinë shqiptare, që përfaqësoi Zvicrën në Eurovision këtë vit dhe fitoi vendin e tretë. Vite më parë këngëtarja Rovena Dilo parashikoi që një ditë Gjoni do të na nderonte. Gjoni na nderoi kur zuri vendin e tretë në Festivalin e Këngës në Eurovision.
Rovena ndau në Instagram një video nga momenti kur ajo i thotë Gjonit, kur ai ishte konkurrent në “Albania Got Talent” vite më parë, se një ditë do të na nderojë nëse vazhdon të punojë ashtu si atëherë kur ishte veç një fëmijë.
“Gjon ti ke një emër të vjetër shqiptar. Është kaq i bukur emri yt dhe unë jam shumë e gëzuar, sepse siç e mban sot me dinjitet dhe bukuri të madhe ti do ta mbash gjithë jetën dhe do të na nderosh”, tha Dilo.
E ndërsa poston videon Dilo shkruan:
“Kam dëshirë te them dy fjalë meqë ky moment nga Albania Got Talent u bë pothuajse viral dje!
Falenderoj te gjithë ata qe e kanë rikujtuar këtë moment, sidomos për hir të Gjonit! Është e vërtetë që në AGT ai shkëlqeu, ishte zëri më i mirë dhe mori vendin e dytë. Unë dhe kolegët e mi e kemi vlerësuar maksimalisht dhe kemi besuar qe ai ishte një talent. Por ajo qe mendova atëhere dhe jam e bindur edhe sot është se Gjonin e bën të mrekullushëm në talentin e tij jo vetëm zëri i bukur dhe teknika që ka fituar me pune e zgjuarsi por ndjeshmëria tij e lartë dhe përcjellja e emocionit.
Sinqeriteti dhe thjeshtësia e tij do ta ndihmojnë të fitojë çdo zemër!
Lart e më lart Gjon Muharremaj! Të duam!”
