Mediat serbe ditën e djeshme “masakruan” Anxhela Peristerin pasi ajo bëri shqiponjën dykrenare me duar.
Ky veprim i Anxhelës nuk u prit aspak mirë nga serbët të cilët i dedikuan një artikull dhe sipas “Novosti-t”, ky veprim u cilësua si provokim.
“Skandal në Eurovision: Simboli i Shqipërisë së madhe, një provokim i turpshëm para gazetarëve”, ishte titulli i medias serbe.
“Përfaqësuesja e Shqipërisë, Anxhela Peristeri dhe bashkëpunëtori i saj dolën para shtypit dhe treguan simbolin e Shqipërisë së Madhe, të ashtuquajturën “shqiponja dykrenare” në mënyren shqiptare. Ju kujtojmë se Eurovision në parim ndalon promovimin politik në veprimtarinë e saj”, thuhet ndër të tjera në artikull.
Në lidhje me këtë artikull ka reaguar i revoltuar producenti i njohur, Ardit Gjebrea i cili i ka konsideruar si të sëmurë mendorë.
“Përfundimisht, këta janë të sëmurë mendorë”, shkruan Gjebrea në InstaStory.
