Kryeministri britanik Boris Johnson udhëhoqi vendin e tij për të dalë nga Bashkimi Evropian, ku pati një zemërim edhe për shkak të numri të lartë të emigrantëve që mbërrinin në Angli.
Por tani ai thotë se është i hapur për idenë e një amnistie për emigrantët që ndodhen në Mbretërinë e Bashkuar në mënyrë të paligjshme.
‘Kur njerëzit kanë jetuar këtu për një kohë shumë të gjatë dhe nuk kanë shkelur ligjin, atëherë ka kuptim që të përpiqemi të rregullojmë statusin e tyre’, tha Johnson në një konferencë shtypi gjatë ditës së enjte.
Sipas tij, janë 500 mijë qytetarë që nuk paguajnë taksa.
Ai tha se kjo është ‘pothuajse ajo që tashmë ndodh sipas rregullave ekzistuese’, por deklaratat e tij tregon se ai mund të shkojë më tej.
Kjo është një ide që Johnson e ka mbështetur në të kaluarën, pasi dihet se ai është më liberal se shumë prej kolegëve të tij të partisë në lidhje me çëshjet e emigracionit.
Duke iu drejtuar gazetarëve të mbledhur kryesisht për të diskutuar pandeminë, Johnson tha se ai është në favor të një goditje ndaj bandave kriminale që trafikojnë emigrantë të pambrojtur me anije të vogla nëpër Kanalin Anglez në Britani.
‘Njerëzit kanë vdekur duke u përpjekur të vijnë tek ne,’ tha ai.
