Katedralja e Notre-Dame de Paris, e shkatërruar nga zjarri më 15 prill dy vjet më parë, “do të rihapet” në 2024.
Këtë premtoi Ministrja Franceze e Kulturës, Roselyne Bachelot, duke shtuar se fondet e nevojshme për rindërtimin bënë të mundur arritjen e një shume të mjaftueshme për të përfunduar rindërtimin. Me donacione dhe premtime për donacione për një total prej 833 milionë euro, “shumat e mbledhura na lejojnë ta rindërtojmë me qetësi”, specifikoi Ministrja e Kulturës gjatë një fjalimi në Senatin në Paris.
“Unë mund t’ju them se në 2024 katedralja Notre-Dame de Paris do të rihapet,” shtoi ajo.
Gjenerali Jean-Louis Georgelin, i cili mbikëqyr punën në emër të Macron, gjithashtu garantoi se Notre Dame do të rihapet në 2024, me një datë tashmë të vendosur për 16 Prill, edhe nëse punimet nuk do të përfundojnë plotësisht në atë ditë.
