Frika nga Covid dhe përdorimi pa kriter i antibiotikëve, ka shkaktuar diabet tek shumë persona, mes tyre të infektuar. Shqetësimi është ngritur nga mjeku endokrinolog Dashamir Gjergji i cili tregon se pavarësisht mungesës së statistikave, numri i diabetikëve gjatë periudhës së pandemisë së koronavirusit është rritur ndjeshëm dhe shumica e tyre e që e kanë këtë sëmundje e kanë zbulua gjatë kësaj periudhe.
“Nuk kemi statistika të mirëfillta, por në këtë periudhë që përdorimi i këtyre barnave shoqëruar edhe me stresin që jep Covid ka çuar në rritje të numrit të të prekurve me diabet”.-tha mjeku në një intervistë për ABC
Megjithatë, endokrinologu thotë se ata që diabetin e kanë pasur si pasojë e përdorimit të antibiotikëve dhe kortizonikëve, nuk do të qëndrojë gjatë.
“Fatmirësisht nëse ka ardhur nga produktet kortizonikë, nuk është diabet që qëndron gjatë”.-tha ai.
Sipas të dhënave, gjatë periudhës së pandemisë, endokrinologët kanë trajtuar deri në 100 diabetikë në ditë të prekur njëkohësisht edhe nga koronavirusit. Në Shqipëri rreth 10 % e popullsisë rezulton me diabet, sëmundja e dytë më e përhapur pas problemeve kardiake.
