Arjan Sala, i riu që humbi jetën teksa shpëtonte kolegët e tij në qendrën tregtare, që u përfshi nga zjarri të mërkurën e shkuar, është shpallur “Dëshmor i Atdheut”.
Statusi i lartë që mban motivacionin “Humbi jetën në përpjekje për të shpëtuar popullsinë në rast fatkeqësie”, iu dorëzua familjarëve nga Kryeministri, i shoqëruar nga Kryebashkiaku i Tiranës.
Trupi i 32-vjeçarit u gjet pas 3 ditë kërkimesh, në orët e para të mëngjesit të ditës së shtunë, pas një dere të mbyllur.
Arjan Sala punonte si roje sigurie në qendrën tregtare dhe përpara se të mbetej i bllokuar nga flakët në bodrum arriti të shpëtonte 20 persona të tjerë. Ai ishte i martuar dhe kishte një djalë 4 vjeçar.
