Mëngjesin e sotëm ka nisur në sheshin “Skënderbej” procesi i vaksinimit masiv me vaksinën kineze. Fillimisht do ta marrin vaksinën të moshuarit mbi 70-vjeç, të cilët janë lajmëruar nga qendrat shëndetësore sipas rendit alfabetik.
Në sheshin “Skënderbej”’ janë ngritur tenda për të kryer procesin e vaksinimit. Procesin e përgatitor e ndoqi nga afër ministrja e shëndetësisë, Ogerta Manastirliu, e cila bëri të ditur se nesër në të gjithë territorin e vendit, qytetarëve do t’u injektohet vaksina kineze “Sinovac”. Gjithashtu Manastirliu shpjegoi të gjitha hapat që duhet të ndjekin qytetarët për t’u vaksinuar.
