Ditën e sotme shumë besimtarë kanë vizituar Kishën e Shna Ndout të Laç në ditën e parë të pelegrinazhit të 13 të martave.
Qytetarë të ndryshëm nga vende të ndryshme kanë shkuar sot në Kishën e Shna Ndout të Laç për të lutur për shëndetin, harmoninë dhe begatinë.
Përfaqësuesit e Kishës thonë se përgjatë gjithë këtyre javëve të pelegrinazhit do të jenë në shërbim të besimtarëve.
Duket se edhe pse jemi në një situatë pandemie qytetarë të shumtë nuk kanë dashur të humbin ditën e parë të pelegrinazhit.
Bëhet me dije se policia e Laçit ka thënë se po merren të gjitha masat për të garantuar mbarëvajtjen e pelegrinazhit dhe do monitorojnë qytetarët që të zbatojnë masat anti-Covid.
