Një debat i madh ka përfshirë shumë shtete lidhur me përdorimin e vaksinës AstraZeneca. Një pjesë e shteteve e kanë pezulluar, ndërsa pjesa tjetër ku përfshihet edhe Shqipëria vijojnë injektimin e dozave.
Në Shqipëri, kryeministri Edi Rama kanë garantuar se dozat që ka marrë Shqipëria janë një tjetër seri nga ajo që janë shfaqur probleme në disa shtete në Europë.
Lidhur me këtë çështje, ka folur edhe epidemiologu Alban Ylli, që u bë pjesë e Komitetit Teknik të Ekspertëve.
Ai e cilësoi humbje kohe vendimin e shumë vendeve të BE-së për të pezulluar vaksinën AstraZeneca.
“Humbje kohe, jemi në një situatë të pazakontë për ne kryesorja është që të sigurojmë sa më shumë vaksina” tha ai.
I pyetur në lidhje me masat anti-Covid, se cili është mendimi i tij nëse duhet të shtrëngohen, Ylli u shpreh se “Besoj se duhet të qëndrojnë në fuqi të njëjtat masa që janë”.
Vaksina AstraZeneca u zbulua nga një ekip nga Universiteti i Oksfordit dhe kompania farmaceutike Britanike-Suedeze. Ekipi hulumtues përfshin shkencëtarë nga Instituti Jenner dhe Grupi i Vaksinave të Oksfordit.
