Gjatë prezantimit të programit të PS-së, “Taksa, pagat dhe biznesi”, kryeministri Edi Rama shpalosi synimin që në fund të mandatit të tretë paga e administratës të shkojë 850 mijë dhe paga minimale 400 mijë.
Ai ka komentuar dhe taksën e sheshtë të programit të kundërshtarit politik.
Sipas Ramës, ajo është rreziku konkret më i afërt për ata që punojnë në shtet apo privat e që janë brenda fashës 1.2 milionë lekë pagë.
“Rreziku më konkret dhe i afërt i secilit që punon në shtet apo privat dhe që janë në këtë fashë, nën 1.2 milionë, sepse me taksën e sheshtë të propozuar nga KÇK, të gjithë ata që kanë një pagë deri në 1,2 milionë lekë do të duhet të paguajnë për shtetin më shumë se sa paguajnë sot nga paga e tyre me taksën progresive. Kur ne vendosëm taksën progresive hapëm kapitull të ri për të ardhurat personale të 97 për qind të të punësuarve në Shqipëri”, tha Rama.
