Virusi britanik ka mbërritur dhe në vendin tonë dhe kjo është konfirmuar pas analizave që ISHP ka çuar për t’u studiuar në Ankara.
Lajmin e bëri të ditur ministrja e shëndetësisë Ogerta Manastirliu, ndërkohë që sipas Silva Binos, 70% e mostrave të dyshuara kanë rezultuar bartëse të variantit britanik.
Bino tha se ka pasur dhe raste të personave të riinfektuar, me dy teste PCR të konfirmuara.
“Janë analizuar në monstra që kanë pasur një dyshim epidemiologjik, kanë qenë persona me kontakte në vendet ku është identifikuar mutacione, kanë qenë persona që janë riinfektuar, dhe persona që kanë ardhur nga survejanca e shtrimeve spitalore, në të gjitha spitalet e vendit. 70% e monstrave që ne kemi ekzaminuar, kanë rezultuar pozitive me mutacionin britanik të Covidit”, tha Bino.
