Mbretëresha dhe Pallati i Buckingham më në fund kanë reaguar pas intervistës së Meghan Markle dhe Princit Harry me Oprah, ku çifti foli për përvojat e tyre në institucion. Ndër pretendimet e tyre ishte se një anëtar i familjes mbretërore (jo Mbretëresha ose Princi Philip) kishte shqetësime se lëkura e Archie do të ishte shumë e errë. Po ashtu, Meghan zbuloi se institucioni refuzoi ta linte të trajtohej kur ajo mendoi të kryente vetëvrasjeje.
Pallati Mbretëror ka publikuar një deklaratë në emër të Mbretëreshës, e cila ishte e shkurtër dhe ku shkruhej :
“E gjithë familja është e pikëlluar pasi mësoi se sa sfiduese kanë qenë vitet e fundit për Meghan dhe Harry. Çështjet e ngritura, veçanërisht ajo e racizmit, janë shqetësuese. Disa prej çështjeve duhet të merren shumë seriozisht dhe do të trajtohen nga familja privatisht. Harry, Meghan dhe Archie do të jenë gjithmonë anëtarë shumë të dashur të familjes.”
Vlen të theksohet se Meghan dhe Harry folën ngrohtësisht për Mbretëreshën në intervistën e tyre me Oprah. “Unë kam folur më shumë me gjyshen time vitin e fundit se çdo herë tjetër” tha Harry. “Gjyshja ime dhe unë kemi një marrëdhënie vërtet të mirë dhe kam respekt të thellë për të”.
