Partia Demokratike ka prezantuar sot planin për mirëqenien Sociale. Kreu i PD Lulzim Basha është zotuar se kur ai të jetë kryeministër do të sigurohet që çdo familjeje ti rritet mirëqenia.
Ndër angazhimet kryesore të Bashës janë rritja e pensioneve për të moshuarit, si dhe dyfishimi i asistencën për familjet në nevojë.
Plani i plotë i PD-së për mirëqenien sociale:
Rritje e pensioneve me dyfishin e inflacionit dhe në çdo rast jo më pak se 5% në vit me synimin që në fund të mandatit të parë pensionet mesatare shqiptare të kenë kaluar pensionet mesatare të rajonit.
Njerëzit me aftësi të kufizuara do të jenë pjesë reale e vendimmarrjes të qeverisjes tonë dhe jo thjesht përfitues pasivë apo viktima të indiferencës, përbuzjes apo korrupsionit qeveritar. Ata do të jenë pjesë e këshillimeve dhe vendimeve mbi hartimin dhe zbatimin e reformave sociale që kanë të bëjnë drejtpërdrejtë.
Çdo familje do të përfitojë për çdo të porsalindur një pagesë mujore 3 mijë lekë të reja në muaj për 5 vitet e para të jetës.
Çdo vit, 5000 çifte dhe familje të reja do të përfitojnë nga subvencionimi i plotë i interesave të kredive për strehim. Qeveria do të paguajë 100% interesat bankare për çdo kredi të marrë për një apartament apo banesë.
