Shqipëria do të njohë sot prej orës 18:00 kundërshtarët kualifikueseve të Botërorit 2022. Kuqezinjtë e Edy Reja janë në vazon e katërt bazuar në renditjen e Nëntorit dhe mund të kenë në grup edhe Kosovën që ndodhet në të pestën.
Formati është me 10 grupe ku gjysma do të jenë me nga 6 përfaqësuese, ndërsa pjesa tjetër me nga 5. Kjo do të thotë që Shqipëria do të ketë 1 ose 2 skuadra më të dobëta në letër.
Gara është tepër e fortë, pasi në finalet e Katar 2022 shkojnë direkt fituesi i secilit grup dhe 3 vende të tjera do të vendosen me play off mes vendeve të dyta dhe 2 skuadra nga Liga e Kombeve 2020-2021.
Përballjet e para do të luhen në fund të muajit Mars të vitit të ardhshëm. Faza e grupeve do të përmbyllet brenda Nëntorit të 2021 për t’i lënë vend më pas play off në Mars të 2022.
