Eurodeputeti hungarez Jozef Szajner është përfshirë në një skandal seksual.
Gazetari gjerman Jack Parrock ka thënë në një postim në rrjetet sociale se përveç eurodeputetit Szajner, edhe dy persona të tjerë që u kapën në vendngjarje kanë kërkuar imunitet diplomatik.
Sipas policisë së Brukselit, eurodeputeti hungarez u gjet me duar të gjakosura dhe në çantën e tij mbante lëndë narkotike.
Ndërkohë nga ana tjetër, gazetari gjerman ka ngritur pyetjen se kush janë dy personat e tjerë që kanë kërkuar imunitet diplomatik.
“Deklarata e re nga policia e Brukselit thotë se dy njerëz të tjerë që kanë marrë pjesë në festën e seksit kërkuan imunitet diplomatik. Ata thonë se eurodeputeti József Szájer u largua nga vendi i ngjarjes, u kap me gjak në duar dhe gjetën lëndë narkotike në çantën e shpinës. Po kush janë dy të tjerët ?!”, tha ai.
