Në Komisionin e Sigurisë sot po diskutohet projektligji për armët. Nja takim që po mbahet online për shkak të kushteve të pandemisë, por që nuk munguan batutat.
Teksa Murrizi zbuloi që kryetarja e Komisionit të Sigurisë kishte kaluar koronavirusin dhe fatmirësisht tani ishte në gjendej të mirë, ka shkëmbyer batuta dhe vuri në siklet edhe dy zyrtarët e Ministrisë së Brendshme dhe Policisë
“Ca do me thënë integritet privat? A ma sqaroni dot se unë nuk e kuptoj? Si ta kuptojmë integritetin privat? Ca doni të thoni: kanë apo s’kanë dashnore? Ky është integriteti privat? Kush është dokumenti që jepet për integritetin privat? Unë mendoj se kjo duhet të hiqet pasi mund të lërë vend për abuzime” u shpreh Murrizi.
Zyrtari i Policisë, Albert Dervishaj ia kaloi fjalën zv.ministrit të Brendshëm, Besfort lamellari për t’iu përgjigjur kësaj pyetjeje të Murrizit.
Lamellari u përpoq të sqarojë se integriteti do të bëhet nga zyrtarët e policisë në degët përkatëse dhe se kjo pikë është edhe në ligjet evropiane.
