Kryeministri Edi Rama ka qenë i pranishëm në fshatin Gjepalaj të Shijakut, për t’u dorëzuar çelësin e 58 shtëpive të banorëve të cilët kishin mbetur pa shtëpi pas tërmetit të 26 nëntorit.
Teksa ka inspektuar shtëpitë, Rama ka hequr këpucët në njërën nga shtëpitë, me kërkesë të kryefamiljarit.
Biseda e plotë:
Rama: Unë nuk i heq asnjëherë këpucët.
Kryefamiljari: Mirë është me i hek!
Rama: Epo po i heq atëherë, duhet me i ndjek rregullat e familjarit
Këpucët i heq edhe ministri i Rindërtimit Arben Ahmetaj, i cili kishte veshur çorape të kuqe.
Më pas Rama nuk ngurron të bëjë një batutë me çorapet e Ahmetajt. “Ky më ka marrë çorapet e mia, i kam pasur unë dikur, i vesh ky tani”,- tha Rama.
Më pas ata dalin nga shtëpia dhe veshin këpucët.
Kryefamiljari: E kemi si traditë me iu përcjellë…
Rama: Tani do na përcjellësh se na hoqe edhe këpucët.
