Familja e Miriamit dhe Alban Skënderajt festojnë dyfish 29 nëntorin. Kjo pasi përveçse festë e Çlirimit të Shqipërisë, kjo datë përkon me lindjen e vajzës së tyre, Ameli.
Vogëlushja sot bën 5-vjeç, dhe në këtë ditë të veçantë për të ishte e pamundur të mungonin urimet nga prindërit e saj.
Sikurse shprehja e urtë thotë “Dy zogj me një gur”, të njëjtën gjë duket se ka bërë edhe Albani, ndërsa shkruan: “Gëzuar dashuria e babit. Gëzuar Shqipëri.”
Ndërkaq, Miriami ka shprehur dashurinë e saj ndaj Amelis, teksa e quan atë princesha e mamit.
“Gëzuar 5-vjetorin princesha e mamit. Ti je frymëzimi i shpirtit tim dhe bekimi më i madh që jeta më dhuroi bashkë me vëllain tënd. I lutem Zotit çdo ditë të gëzosh vetëm shëndet dhe lumturi në jetë.
Jemi me fat që në këtë ditë të shënuar kemi një tjetër arsye të madhe për të festuar e gëzuar. Gëzuar Shqipëri! Uroj që viti i ardhshëm të na gjejë të gjithëve të sigurt e me shëndet mbi të gjitha”, shkruan Miriami.
