Çipi tradicional i kompjuterit ka dy zona të ndara ku hedh të dhënat dhe bën kalkulimet. Por sipas një studimi, nëse këto dy zona kombinohen me njëra-tjetrën, krijojnë pajisje me energji më efektive dhe më të fuqishme.
Në gjuhë teknike njihet si arkitektura teke, e cila kombinon operacionet logjike me funksionet e memories. Kjo kursen kohën që duhet për të kaluar të dhënat gjatë procedimit.
Science Alert raporton se shkencëtarët që janë marrë me këtë studim, shprehen se do jenë shumë të domosdoshme në inteligjencë artificiale.
“Kjo mundësi për të bashkuar dy funksione në një pajisje të vetme është pak a shumë e njëjtë me mënyrën sesi funksionon truri njerëzor, ku neuronet janë përgjegjëse për ruajtjen e memories dhe kryerjen e kalkulimeve,” thotë inxhinieri elektrik Andras Kis, nga Instituti Teknologjik Lozanë.
Ai shton më tej se krijimi i këtij qarku ka shumë avantazhe. “Jo vetëm që ul energjinë e shpenzuar për kalimin e të dhënave, por edhe redukton kohën ekzekutim të komandave” përfundon inxhinieri.
