Një ngjarje e rëndë ka ndodhur së fundmi gjatë garave me motorra në pistën Interlagos të garave “Superbike”. Kjo ditë ishte tragjike për Mateus Barbosa, i cili ka humbur jetën pas humbjes së kontrollit të motorit të tij duke u përplasur me shtyllën tek barrierat jashtë piste.
Ndërhyrjet e mjekëve ishin të kota pasi 23-vjeçari nga Anapolis ka humbur jetën si pasojë e plagëve të shumta që ka marrë. Në të njëjtin vend ku vdiq Matheus Barbosa, vitin e kaluar u shënuan dy tragjedi të tjera: në prill viktima e Interlagos ishte Maursio “Linguica” Padulete dhe në maj, një muaj më pas, bashkëkombasi Danilo Berto.
Ndërsa një vit më parë, gjithnjë në Interlagos, humbi jetën si pasojë e aksidentit me barrierat mbrojtëse, Roggerio Munuera. Si duket, kjo psitë ka difekte të mëdha dhe tashmë do rishikohet edhe njëherë nga autoritetet nëse ka nevojë për ndërhyrje.
