Ndikimi i masave ajrore të qëndrueshme mbi vendin tonë do të sjellë mot të kthjellët gjatë paradites.
Sipas MeteoAlb, pasditja sjellë kalime vranësirash në gjysmën lindore ndërsa bregdeti mbetet me kthjellime.
Era do të jetë nga kuadrati i Veriut me shpejtësi mesatare 1-6m/sek, e cila hera-herës përgjatë vijës bregdetare dhe zonave luginore fiton shpejtësi deri në 10m/sek.
Temperaturat e ajrit ulen në vlerat minimale por nuk priten ndryshime në vlerat maksimale duke u luhatur nga 3°C mëngjesi deri në 22°C mesdita.
Mëngjeset dhe mbrëmja do të jenë të ftohta, ndërsa orët me diell do të bëjnë që në mesditë temperaturat të pësojnë rritje.
