Agjensia federale e Barnave në Amerikës (FDA) dha aprovim urgjent për një trajtim eksperimental të antitrupave për Covid-19 të bërë nga kompania Eli Lilly, njofton The New York Times. Një ilaç i ngjashëm është përdorur edhe nga Presidenti Trump kur u sëmur me Covid-19 muajin e shkuar.
Vendimi u shpall të hënën nga agjencia dhe vlen vetëm për njerëzit e infektuar rishtas me virusin, shkruan gazeta amerikane. Sipas kompanisë ilaçi vjen me paralajmërimin se nuk duhet të përdoret në pacientët e shtruar në spitale.
Eli Lilly tha se trajtimi i quajtur bamlanivimab, duhet të administrohet sa më shpejt që të jetë e mundur pas një testi pozitiv, dhe brenda 10 ditëve nga shfaqja e simptomave.
