“Scooby-Doo” është duke mbajtur zi për vdekjen e një nga ideatorëve kryesorë të krijimit të tij, Ken Spears. Ky i fundit ndërroi jetë në moshën 82-vjeçare nga ndërlikimet që lidhen me demencën e trupit.
Lajmin e trishtë e ka dhënë djali i tij, Kevin për “Variety” dhe “The Hollywood Reporter’, duke theksuar se Spears ka vdekur të premten. Ai la pas dy djem: Kevin dhe Chris.
Kujtojmë që ai gjithashtu krijoi dhe filmin “Scooby Doo, Where Are You” në vitin 1969 së bashku me Joe Ruby.
“Ken do të mbahet mend gjithmonë për inteligjencën e tij, besnikërinë ndaj familjes dhe etikën e tij të fortë të punës”, ishte mesazhi i publikuar nga familja e tij.
“Ken jo vetëm që la një gjurmë të pashlyeshme në familjen e tij, por ai preku jetën e shumë njerëzve si bashkë-krijuesi i “Scooby-Doo”. Ken ka qenë një model për të gjithë në jetën tonë dhe do të vazhdojë të jetojë në zemrat tona”, vijon mesazhi.
