Kryeministri Edi Rama me anë të një statusi në rrjetet sociale ka lajmëruar se përgjatë ditës së shtunë dhe të dielë do të mbërrijnë në vendin tonë 90 mijë e 800 doza të vaksinës anti-COVID të prodhuar nga kompania AstraZeneca.
Rama shkruan se Shqipëria do të vazhdojë me ritme të larta vaksinimin masiv të popullsisë dhe të arrijë të tejkalojë objektivin e 500.000 të vaksinuarve brenda muajit maj.
Statusi i kryeministrit Rama:
TË SHTUNËN DHE TË DIELËN MBËRRIJNË 90 MIJË E 800 VAKSINA ASTRAZENECA
Shqipëria do të vijojë të qëndrojë në vendet e para të klasifikimit europian për shpejtësinë e vaksinimit dhe ne do ta tejkalojmë objektivin e 500 mijë të vaksinuarve brenda majit
Kur ia dolëm me tërmetin e me pandeminë, si të mos ia dalim me rritjen e fuqishme ekonomike në vitet me diell që kemi përpara! Karakteri ynë u sprovua në dy tragjedi të mëdha dhe fuqia jonë e përbashkët do të vazhdojë të bëjë të mundura edhe arritjet më të vështira.
