Silva Bino, shefja e Epidemiologjisë në Institutin e Shëndetit Publik (ISHP), ka bërë me dije se se në vendin tonë nuk ka patur asnjë rast të personave të vaksinuar kundër Covid-19, cilët kanë patur efekte anësore të rënda pas marrjes së dozës së vaksinës. Ajo tha në emisionin “Open” se mes të vaksinuarëve, vetëm dy kanë qenë ata të cilët kanë shfaqur efekte disi të rënda, ndërsa raste me efekte të lehta anësore, cilat janë dhe të pritshme, patur një numër të konsiderushëm.
“Efekte anësore shumë të rënda nuk kemi pasur. Kemi pasur efekte anësore disi të rënda, 2 raste, me mpirje fytyre. Kurse efekte anësore të pritshme, pra të lehta, kemi pasur”– u shpreh Bino, e cila foli edhe për ecurinë e procesit të vaksinimit. Sipas saj, nëse vaksinimi do të ndodhte sipas kapacitetetit të vaksinave që ka Shqipëria tani, do të imunizohej 12% e popullsisë:
“Kemi vaksinuar rreth 3% të popullatës. Mundësitë i kemi që të bëjmë rreth 15 mijë vaksinime në ditë. Vaksinimi është i kombinuar në qendra të përqendruara dhe në pika të hapura kastile për vaksinim. Për qytetarët, dhe në vendet e punës, dhe në qendra shëndetësore. Të gjitha këto e përshpejtojnë vaksinimin. Me kaq doza sa kemi, mund të kapim vaksinimin e 12% të popullatës. Për të gjitha vaksinat ka refuzime.”.
Kujtojmë që prej ditë së dielë në Shqipëri po zhvilohet procesi masiv i vaksinimit të moshave mbi 70-vjeç, të cilët po marrin dozat e vaksinës ruse “Sputnik”, ndërsa mbi 80 vjeç ato të vaksinēs kineze “Sinovac”.
