Lady Gaga festoi 35-vjetorin e lindjes dhe ka marrë dhuratën me të veçantë. Këngëtarja nuk bën një jetë të thjeshtë dhe sigurisht fansat nuk mund të prisnin diçka të zakonshme për ditëlindjen e saj.
Me rastin e 35-vjetorit, i dashuri i saj Michael Polansky kishte menduar një surprizë shumë speciale për këngëtaren. Lady Gaga publikoi në rrjete sociale një foto të saj, në të cilën shihej duke përqafuar një buqetë gjigante me lule.
Në fakt një dhuratë të tillë fansat e këngëtares nuk e kanë pritur, duke qenë se Lady Gaga tashmë po jeton larg të dashurit për shkak të xhirimeve në Itali për filmin e ri “House of Guçi”.
“Kur i dashuri yt të dërgon gjithë lulet në Romë për ditëlindjen tënde. Të dua zemër, mezi pres që të jem në shtëpi me ty dhe qenin tonë, kjo është e gjitha çfarë dua”, ka shkruar këngëtarja përkrah fotos së buqetës.
Sa i përket lidhjes së saj, Gaga ka më shumë se 1 vit në një marrëdhënie me Michael Polansky, me të cilin është shfaqur shumë pak në rrjete sociale.
