Kryeministri i Mbretërisë së Bashkuar, Boris Johnson ka marrë pasditen e sotme dozën e parë të vaksinës anti-COVID të kompanisë të shumëpërfolur AstraZeneca.
Kryeministri 56-vjeçar ka marrë dozën e tij në spitalin “St. Thomas” të Londrës, i njëjti institucion ku u trajtua kur ai vetë u infektua me COVID gjatë muajit Prill të vitit të kaluar.
“Literalisht nuk e ndjeva fare dhe ishte shumë proves i shpejt. E rekomandoj jashtëzakonisht shumë për të gjithë. Sapo t’u vijë thirrja për t’u vaksinuar shkoni dhe bëni gjënë e duhur për vetën, familjen tuaj dhe gjithë të tjerët. Mos më dëgjoni mua, por dëgjoni të gjithë shkencëtarët, vaksina është një gjë e mrekullueshme”, u shpreh Johnson pas vaksinimit.
