Dita e djeshme kishte rezervuar goxha surpriza. Personazhe të ndryshme publike zgjodhën të bënin urime speciale e të shpërndanin mesazhe në mënyrën e tyre, teksa personazhe si Luana Vjollca zgjodhën të bënin disa gra të lumtura.
Moderatorja bëri me dije disa ditë më parë se do shpërndante disa dhurata më 8 Mars dhe pyeti ndjekësit e saj se nëse do u jepej mundësia kujt do ua dhuronin ato. Në fund, Luana zgjodhi mesazhet më prekëse që i kishin mbërritur në “inbox” nga fansat për gruan, nënën, vajzën e zemrës.
Bukuroshja e ekraneve shqiptare shkruante në statuset e saj se zgjodhën aq histori sa mundën këtë herë, por premtoi dhurata të tjera së shpejti. Po ashtu, ndër rreshta Luana shkruante se ishte prekur shumë nga mesazhet që kishte marrë, të cilat në thelb mbanin të njëjtat sakrifica.
Thonë që lumturia nuk blihet me para, por shpesh gjeste sado të vogla mund të ndryshojnë humorin e të falin qoftë edhe një grimcë lumturie. E sidomos në ditë simbolike, mbështetja mes gocave dhe grave me veprime të tilla merr një rëndësi edhe më të veçantë.
Edhe këtë herë Luana meriton padyshim përgëzime për gjestin e saj.
