Këtë fundjavë në spektaklin e humorit “Klanifornia” në Tv Klan do jetë e ftuar modelja e njohur dhe mjaft e komentuar Kejvina Kthella.
Këtë e ka bërë të ditur vetë ajo përmes një postimi në rrjetet sociale, ku i fton miqtë e saj ta ndjekin mbrëmjen e së shtunës në Tv Klan. Me siguri do ketë surpriza mjaft të bukura dhe interesantë që do mbajnë publikun të mbërthyer pas ekranit.
Në postimin e Kejvinës shihet dhe një video ku ajo po pozon para kamerave dhe aktori Visjan Ukcenaj zbret nga makina luksoze me një pistoletë lodër dhe gjuan. Kejvina bërtet e frikësuar dhe më pas fillon të qeshë.
Në një foto tjetër Kejvina shihet me pranga dhe gojën e mbyllur me një ngjitës. Ky postim ka bërë shumë njerëz kuriozë dhe shumë prej tyre me siguri mezi po presin të shohin ditën e nesërme “Klanifornian”.
