Lëkundje tërmeti me magnitudë 4.3 ballë janë shënuar orët e para të mëngjesit të sotëm në Shqipëri.
Sipas Institutit të Gjeo-Shkencave, Energjisë dhe Ujit lëkundjet janë regjistruar në orën 3:39, 28 kilometra larg nga Buçimasi i Pogradecit, në Liqenin e Ohrit. Sipas të dhënave paraprake, tërmeti ishte vendosur në një thellësi prej 10 km.
Ndërkohë, deri më tani nuk ka raportime për dëme materiale apo persona të lënduar.
