Një tjetër largim nga strukturat kyçe në shëndetësi. Pas lajmit për largimin e drejtorit të FSDKSH dhe emërimin në krye të këtij institucioni të Arti Papajanit, ndryshon edhe drejtori i QSUT.
Vetëm dy muaj pas marrjes së detyrës, ish-deputeti Florenc Spaho, ka dhënë dorëheqjen. Nuk mësohen arsyet, por mendohet se ato kanë të bëjnë me riformatimin që ka nisur ministrja e re.
Ekofin.al mëson ekskluzivisht se në krye të Qëndrës Spitalore më të madhe në vend do të vendoset Angela Paparizo.
Ajo është aktualisht në Këshillin Koordinues të Diasporës Shqiptare. Me një Master në Histori dhe Diplomë Universitare në Gazetari, ka mbajtur disa pozicione Drejtuese në Bashkine e Tiranës, Shqipëri dhe aktualisht udhëheq departamentin e Arteve dhe Kulturës në Bashkinë e Qytetit të Burlingtonit në Ontario, Kanada, ku emigroi në vitin 2008./ekofin/
