Rama ka mirëpritur dje në Pallatin e Brigadave ekipin e deputetëve të rinj që do të jenë pjesë e Kuvendit në 4 vitet e ardhshme.
Gjatë fjalës së tij, Rama ka sinjalizuar se do të ketë ndryshime në udhëheqjen e Partisë Socialiste dhe në qeveri, duke e konsideruar këtë si një nevojë për t’u përshtatur me sfidat e reja dhe për të reflektuar mbi të arriturat e deritanishme.
“Kemi garantuar drejtësinë, forcuar sigurinë, rritur reputacionin dhe kemi bërë histori me vendin tonë brenda kësaj dekade. Kemi mësuar se për t’i arritur këto suksese, duhet një punë e madhe me veten. Duhet ta nisim nga vetja për të ndarë mendjen si duhet mbi disa gjëra që duhen parë ndryshe, dhe duhet të bëjmë disa gjëra ndryshe. Duhet që të bëjmë disa lëvizje në udhëheqjen e partisë dhe në qeveri. Na duhet një mirëkuptim i plotë mes nesh dhe me familjen tonë europiane, sepse do ta përdorim fuqinë e mandatit të katërt,” tha Rama.
