Lodhja është bërë pjesë e pandashme e jetës tonë, edhe pse ende nuk është e qartë nëse lodhet trupi apo shpirti ynë.
Faktorët që ndikojnë janë ritmi i përshpejtuar i jetës, marrëdhëniet e ndërlikuara dhe ndryshimet e stilit të jetesës, stresi gjithnjë në rritje, pagjumësia. Nga ana tjetër, ne e dimë shumë mirë se sëmundjet kronike, luhatjet e presionit të gjakut, nivelet e sheqerit, pesha, ritmi i zemrës dhe ulja e vitaminave dhe mineraleve mund të na lodhin gjithashtu.
Edhe pse nuk është vetë sëmundje, lodhja mund të jetë shenja e parë dhe e disa sëmundjeve! Për këtë arsye, është e dobishme të merret seriozisht lodhja e vazhdueshme që zgjat më shumë se 2-3 javë, të hetohen shkaqet e saj dhe të kërkohet një kurë, citon CNN Turk.
Ja çfarë na shkakton lodhje!
1. ETJA: Nëse nuk pini mjaftueshëm ujë, trupi juaj do të lodhet në një kohë të shkurtër.
2. URIA: Uria e zgjatur shkakton rënie të sheqerit në gjak dhe lodhje.
3. Ushtrimet e parregullta: Të gjithë e dimë shumë mirë se ushtrimet e planifikuara keq, të parregullta dhe të rënda mund të çojnë në lodhje dhe dhimbje.
4. DEMBELIA: Ashtu siç na lodhin aktivitetet fizike të ekzagjeruara, edhe pasiviteti dhe dembelizmi i tepërt mund të shkaktojnë ndjenjën e lodhjes.
5. BARNAT: Duhet të kemi parasysh se disa medikamente, veçanërisht antidepresantët, antihistaminet, disa medikamente për presionin e gjakut dhe diuretikët, mund të shkaktojnë lodhje.
