Erzen Zyberaj, atleti nga Kosova, u nis me vrap nga Prishtina dy ditë më parë dhe mbërriti në Tiranë pasditen e djeshme. Zyberaj përshkroi 260 kilometra me rastin e 111-vjetorit të Pavarësisë së Shqipërisë.
Në një intervistë për Euronews Albania, Zyberaj tha se këtë bëri për babain e tij pasi ky i fundit ia kishte lënë amanet. Ai tha se janë rritur gjithmonë me frymën e patriotizmit dhe dashurinë e atdheut.
“Kam vrapu për të gjithë ata shpirtra të njerëzve që kanë kontribuar dhe vazhdojnë të kontribuojnë për Shqipërinë. Unë kam vrapu për shpirtin e tij. Rruga më shkoi 28-orë. Ka pasur komente të ndryshme e pozitive. Babi im dhe ne jemi gjithmonë jemi rrit me frymën patriotike. Kemi shikuar gjithmonë filma shqip. Tre orë kam dëgjuar kolonën zanore të udhës së shkronjave. Ëndrra për të qenë një do të jetë deri në frymën e fundit. Ai njeri që e ndjen veten shqiptar, duhet ta ketë të ngulitur”, tha ai.
