Shumë njerëz preferojnë ushqimet e përpunuara për mëngjes, sepse janë të lehta për t’u përgatitur.
Sipas një studimi të ri është arritur në përfundimin se konsumimi i tepërt i ushqimeve të përpunuara mund të shkaktojë kancer të gojës dhe fytit.
Ushqimet e përpunuara të konsumuara për mëngjes në përgjithësi konsiderohen të pashëndetshme dhe lidhen me obezitetin. Hulumtimi mbi ushqimet ultra të përpunuara ka ekzaminuar ushqimin dhe stilin e jetesës së afërsisht gjysmë milioni njerëzve për më shumë se dhjetë vjet.
U arrit në përfundimin se njerëzit që konsumojnë më shumë ushqime ultra të përpunuara kanë një rrezik më të lartë për t’u prekur nga kanceri i rrugëve të sipërme të frymëmarrjes, duke përfshirë ezofagun. Ndër ushqimet tepër të përpunuara që konsumohen shpesh për mëngjes:
– Drithërat
– Salçiçe, të cilat janë produkte të përpunuara të mishit
– Kos me shije frutash
Sipas studimit, konsumimi i 10 përqind më shumë ushqimeve ultra të përpunuara lidhej me 23 përqind më shumë kancer të kokës dhe qafës dhe 24 përqind më shumë kancer të ezofagut. Një nga studiuesit deklaroi se është interesante që lidhja midis konsumit të ushqimit ultra të përpunuar dhe kancerit të rrugëve të sipërme të frymëmarrjes nuk lidhet me indeksin e masës trupore dhe raportin bel-ije.
