Mjeku endokrinolog Dashamir Gjergji ka renditur 4 shenjat e para dalluese të sëmundjes së diabetit.
Sipas tij tij, shenjat janë: shumë etje, konsum i lartë i ujit, urinim, dobësim dhe mungesa e fuqisë.
Mjeku nënvizoi se pavarësisht se në përgjithësi kjo sëmundje shfaqet pas moshës 30-vjeçare kohët e fundit ka një shtim të numrit të fëmijëve të prekur nga diabeti.
“Shenjat vijnë pak me vonesë dhe kjo është ndoshta një nga vështirësitë teknike që ne kemi, sepse diabetikët diagnostifikohen pak më me vonesë, pas 3-4 vitesh që e kanë këtë sëmundje. Shenjat kryesore, janë ato që në anglisht njihen si ‘4t’. Këta të sëmurë kanë shumë etje, konsumojnë shumë ujë, urinojnë shpesh, nga ana tjetër normalisht dobësohen dhe ndihen të pafuqishëm. Këto janë katër shenjat kryesore të diabetikëve. Nëse një diabetik del shpesh në tualet gjatë natës, mund të ketë diabet. Megjithatë ne kemi target-grupet ku e kërkojmë diabetin. Zakonisht shfaqet në mosha mbi 30 vjeç, por kohët e fundit e shikojmë shpesh edhe te fëmijët”, tha Dashamir Gjergji.
