Nëse gjëja e parë që bëni kur keni qoftë edhe hundët zëna, është që drejtoheni në internet për të kuptuar se çfarë po ndodh, keni shokë. Sondazhet tregojnë se rreth 90% e pacientëve hyjnë në Google për simptomat e tyre para se të flasin me mjekun.
Por, sigurisht, kjo mund ta përkeqësojë situatën. Ekspertët e shëndetit mendor e njohin fenomenin si ‘cyberchondria’ – kërkime të përsëritura, kompulsive në internet për informacione mjekësore që mund të çojnë në shqetësim dhe panik – një fenomen real dhe shqetësues.
Kërkimet e gabuara në Google mund të jenë gjithashtu një burim i thellë zhgënjimi për mjekët dhe ofruesit e tjerë të kujdesit shëndetësor, të cilët thonë se kalojnë një pjesë të mirë të kohës së tyre me pacientët duke trajtuar i sqaruar për vetë-diagnostikën e pasaktë nga leximet që bëjnë online.
“Kur dëgjoj një pacient të thotë, ‘E kërkova në Google’, mendoj: OK. Sa dezinformata do të më duhet të shpërndaj e të sqaroj?”
Po si mund të siguroheni që po përdorni ‘Dr. Google” në mënyrë efektive? Këtu janë pesë praktika të thjeshta për t’u mbajtur mend.
1. Filloni të kërkoni në faqet e internetit të oinstitucioneve të mëdha shëndetësore, universiteteve dhe spitaleve.
Në Qendrat për Kontrollin dhe Parandalimin e Sëmundjeve (veçanërisht për informacionin për COVID-19) ose Akademia Amerikane e Pediatrisë (e cila gjithashtu ka në mënyrë specifike HealthyChildren.org për prindërit dhe kujdestarët e fëmijëve). Akademia Amerikane e Mjekëve Familjarë gjithashtu ka një faqe interneti për pacientët plot me informacione të dobishme. Shumë spitale dhe universitete kanë gjithashtu faqe interneti me informacion shëndetësor të bazuar në prova.
2. Zbuloni disa baza të studimit
Është e mrekullueshme dhe fuqizuese që kaq shumë kërkime tani janë drejtpërdrejt të disponueshme në internet, shpesh pa një abonim përmes PubMed (baza e të dhënave kryesore për punimet shkencore).
Por edhe tek studimet kujdes. Bëni disa pyetje: A është botuar në një ditar të rishikuar nga kolegët? Kjo do të thotë se është shqyrtuar nga ekspertë të tjerë në këtë fushë për cilësinë dhe saktësinë. Nëse po, cila revistë? Sa ishte madhësia e kampionit? Çfarë kufizimesh kanë vënë në dukje autorët e studimit? Kush e financoi kërkimin?
3. Vëreni se si po ju bën të ndiheni kërkimi juaj
Nëse jeni duke kërkuar simptomat tuaja dhe jeni vërtet të stresuar, ky është një flamur i kuq. Në vend që të futeni në panik, kontaktoni një profesionist mjekësor aktual i cili mund të ndihmojë në dhënien e përgjigjeve.
4. Mbani gjurmët e çdo burimi që gjeni dhe diskutoni
Ndërsa lëvizni nëpër kërkimin tuaj në internet, sigurohuni që të shënoni artikujt ose faqet e internetit që vizitoni. Nëse një studim ose artikull i veçantë është me interes, ruajeni atë. Në këtë mënyrë, kur të shkoni te mjeku juaj, e dini se ku i keni lexuar ato që po i tregoni.
5. Kur jeni në dyshim, bisedoni me një profesionist
Në fund të fundit, asgjë nuk është më e mirë se sa të shkosh tek një mjek, infermiere apo klinikë e kujdesit shëndetësor.
