Ditën e sotme do të nisin punimet për ndërtimin e Teatrit të ri Kombëtar të Tiranës. Në ceremoninë e nisjes së punimeve të pranishëm do jenë Kryeministri Edi Rama, Kryebashkiaku i Tiranës Erion Veliaj dhe arkitekti projektues Bjarke Ingels.
Gazetari i Klan News, Maksi Haxhija raporton se ka kontrolle të shumta policie, por edhe qytetarë, artdashës që vijojnë të mbërrijnë në zonën ku do të ndërtohet Teatri i ri Kombëtar.
Ndërkohë është paralajmëruar se do të ketë një grumbullim të qytetarëve që janë kundër projektit të ri, por akoma nuk ka zhvillime në lidhje me këtë protestë të thirrur.
Teatri i ri Kombëtar do të jetë me kushte moderne dhe bashkëkohore.
