Duket se ëndrra e shumë tifozëve të futbollit, për të parë dy nga më të mirët e këtij sporti Lionel Messi dhe Cristiano Ronaldo në të njëjtën skuadër, mund të bëhet realitet.
Mediat pranë Manchester United, skuadrës aktuale të portugezit, raportojnë se për shkak të minutave të pakta që i janë vënë në dispozicion, e po ashtu me njoftimin e largimit të Kylian Mbappe nga PSG, lojtari u është vetëofruar parizienëve.
Nga kampi në Paris kjo shihet si një mundësi e mirë, pasi pavarësisht moshës dhe formës jo aq të mirë, Ronaldo mbetet një figurë që mund të sjellë përfitime monetare për PSG me anë të afrimit të sponsorëve të rinj. Klubi do humbiste shuma të më dha me largimin e Mbappe, dhe afrimi i portugezit mund t’i zvogëlonte ato.
Nga ana tjetër, edhe pse përflitet për një rikthim të mundshëm të Messit tek Barcelona në fund të sezonit, sërish gjasat më të mëdha janë për një qëndrim të tij, dhe kështu dy futbollistët më të mirë të kësaj kohe do të ishin më në fund në një skuadër.
