Qeveria e Kosovës votoi një ndryshim në Kodin Penal, duke shtuar kështu masat ndëshkuese ndaj dhunës në familje, sulmit seksual e dhunimit.
Ministrja e Drejtësisë, Albulena Haxhiu njoftoi sot se ndër këto ndryshime, parashikohet edhe masa për ata që dënohen për dhunë në familje, se nuk do të mund të pajisjen me patentë shoferë.
“Përmes këtij Ligji për ndryshmin e kodit Penal për dhunim të sulmit seksual e dhunës në familje të shtohen dënimet plotësuese: ndalimin për kandidim në pozitë publike nga 3-10 vjet në pozitë publike. Ndalimin në punësimin publik në të gjitha nivelet. Ndalimin për përfitimin e patentë shoferit që është shpallur fajtor për këto vepra. Ndalimi i aplikimit si investitor strategjikë nga 3-10 vjet. Në rastet kur kemi të bëjmë me dhunim e sulm seksual, kufijtë e zbutje së dënimeve nuk do të zbatohen”, tha Haxhiu në mbledhjen e qeverisë.
“Kushdo që me qëllim të frikësimit, me dashje ushtron dhunë fizike, seksuale e ekonomike ndaj grave që ushtrojnë funksione publike apo kandidate, parashihet që dënimi të jetë 6 muaj deri në 3 vjet. Kurse për vepra penale në formë të organizuar cilësohet rrethanë rënduese. KGJK e mban regjistrin me emër dhe mbiemër të personave që shpallen fajtor për këto vepra penale”, tha ministrja Haxhiu.
