Komisioni Europian kërkon më shumë bashkëpunim midis qeverisë dhe opozitës.
Në raportin e fundit mbi progresin e vendeve të Ballkanit Perëndimor, sipas Rel, nënvizohet se problematikat e brendshme në Partinë Demokratike kanë ndikuar në jetën parlamentare në Shqipëri.
Shqipërisë i kërkohet që të bëjë më shumë përpjekje në parandalimin e pastrimit të parave.
Një çështje që Komisioni Evropian kërkon në mënyrë të veçantë në Shqipëri është angazhimi për të penguar emigrimin ilegal, sidomos të personave të mitur.
Kujtojmë se vitet e fundit emigracioni është rritur me ritme të frikshme. Qindra mijëra njerëz e kanë braktisur vendin. Britania prej kohësh ka ngritur alarmin për shqiptarët që shkojnë atje në rrugë ilegale.
