Shtëpia e ish-miss-it, Agnesa Vuthaj, ka rënë pre e grabitësve, të cilët kanë vjedhur shuma të mëdha parash si dhe stoli. Sipas mediave kosovare ngjarja ka ndodhur rreth orës 12:45 në rrugën “Montana” në Lagjen Marigona në Çagllavicë, ku hajdutët kanë vjedhur mbi 100 mijë euro para të gatshme dhe rreth 300 mijë euro stoli të tjera.
“Lidhur me këtë informatë është angazhuar njësia policore, ku e njëjta ka kontaktuar me sigurimin e lagjes dhe na njofton se persona të panjohur kanë hyrë me forcë në shtëpinë e Agnesa Vuthajt, ku kjo e fundit nuk është prezente dhe kanë vjedhur mbi 100 000 (njëqind mijë) euro para të gatshme dhe diku rreth 300 000 mijë euro gjëra të çmueshme duke përfshirë, ari, orë dhe bizhuteri të ndryshme”, thuhet në raport.
