Jeni në prag të nisjes suaj, një ditë para se të niseni për atë pushim të vonuar që keni ëndërruar prej muajsh? Përpara se të nisni udhëtimin tuaj, ka disa hapa të rëndësishëm që duhet të ndërmerrni.
Telefononi kompaninë tuaj të kartës së kreditit
Për t`u siguruar që karta juaj e kreditit të funksionojë gjatë udhëtimit, kompania juaj e kartës së kreditit duhet të dijë planet tuaja të udhëtimit.
Dhe ka një gjë tjetër shumë të rëndësishme. Sigurohuni që të keni mjaftueshëm para në kartë.
Kontaktoni kompaninë tuaj të telefonisë celulare
Udhëtim jashtë vendit? Telefononi ofruesin tuaj të shërbimit për t’ju ndihmuar të konfiguroni planin më të lirë për kryerjen e telefonatave, dërgimin e mesazheve dhe hyrjen në internet nga smartphone.
Njoftoni operatorin e sistemit të sigurisë së shtëpisë tuaj
Nëse po largoheni dy javë ose më shumë, është mirë t’i tregoni departamentit tuaj të policisë lokale se do të jeni të larguar. Ata mund t`i hedhin një sy shtëpisë tuaj kur nuk jeni aty.
Konfirmoni të gjitha rezervimet
Kontrolloni dy herë të gjitha rezervimet tuaja: fluturimin, hotelin, makinën me qira, restorantet, atraksionet dhe çdo shërbim tjetër që keni planifikuar. Ju nuk dëshironi ndonjë surprizë nëpër sportele. Nëse keni akses në një printer, nuk është ide e keqe të printoni konfirmimet. Nëse nuk e bëni këtë, shkruani numrat e konfirmimit (dhe numrat e telefonit të shërbimit ndaj klientit) dhe mbajeni letrën lehtësisht të aksesueshme në portofolin tuaj.
Paguani faturat që mund të mos i keni paguar
Kur të ktheheni mund të përballeni me kamatvonesat.
Kontrolloni motin
Kjo është gjëja më e lehtë dhe minimale, por shumica harrojnë ta bëjnë. Duhet të dini si do jetë moti, për të ditur çfarë duhet të paketoni.
Hajini, hidhni ose jepini ushqimet që keni në shtëpi dhe që mund të prishen
Gjëja e fundit që dëshironi është të ktheheni në shtëpi në një frigorifer të qelbur. Gjithashtu, vini në punë lavastoviljen, nxirrni plehrat dhe pastroni lavamanin për t’u siguruar që nuk ka ushqim që mund të kalbet ose të tërheqë insekte ndërsa jeni larg.
Lërjani një kopje të itinerarit tuaj një miku ose anëtari të familjes
Kontakti juaj i urgjencës duhet të ketë një kopje të planeve tuaja të udhëtimit. Asnjëherë s`i dihet.
Pastroni portofolin tuaj
Kaloni në sitë portofolin tuaj dhe hiqni çdo send që nuk ju nevojitet gjatë udhëtimit. Lini kartat e besnikërisë, kartat e dhuratave, kartat shtesë të kreditit dhe çdo përmbajtje tjetër të panevojshme në shtëpi.
Vendosni një adresë tjetër për dorëzimin e postës suaj
Ky është një veprim i zgjuar nëse do të largoheni për më shumë se disa ditë. Përndryshe, mund t`i kërkoni një fqinji ta marrë postën për ju.
Mos lini gjëra jashtë shtëpisë
Mos lini asnjë send të jashtëm (p.sh., karriget e oborrit, jastëkët, pajisjet e pishinës) të pambrojtura, veçanërisht sende të lehta që hajdutët mund t’i vjedhin lehtë.
