Edhe pse lija e majmunit është përhapur në vende të ndryshme të botës, zyrtarisht në Shqipëri ende nuk ka prani të saj. Megjithatë sipas specialistëve rreziku mbetet i konsiderueshëm duke qenë se ky infeksion është konfirmuar në vende pranë Shqipërisë.
“Rajonet si Italia, Sllovenia janë raste të konfirmuara. aste në konfirmim e sipër janë Greqia dhe Kosova”.
Por cilat janë disa nga shenjat dhe simptomat që shfaqen si pasojë e lisë së majmunit? Mjeku infeksionist Edmond Puca rendit disa prej tyre.
“Ka disa karakteristika pak më ndryshe në sensin e shfaqjeve klinike, kanë dregëza të mbushura me ujë që agravohen. Ka edhe një rritje të numrit të linfonodulave te pjesa e qafës”.
Sëmundja po gjen përhapje më shumë tek grupmosha 21-25 vjeç në vendet ku është konfirmuar.
“Është vënë re që vite më përpara mosha më e prekur ishte pediatrikja. Mosha mesatare aktualisht shkon 21-25 vjeç, e cila është aktive dhe udhëtare”.
Sipas OBSH-së lia e majmunit deri më tani është përhapur në të paktën 27 shtete dhe shumica e rasteve janë regjistruar në Amerikën e Veriut dhe Europë.
