Sot zhvillohen zgjedhjet për Kryetarin e Partisë Demokratike të Shqipërisë.
Në garë janë lideri historik i selisë blu, Sali Berisha dhe ish-kreu i PD në Kukës, Ibsen Elezi.
Procesi i votimit do të nisë në orën 08.00 e do të mbyllet në orën 18.00.
“Nëse në orën 18.00 do të ketë anëtarë të PD që ende nuk kanë votuar, Qendrat e Votimit nuk do të mbyllen derisa të ketë votuar edhe personi i fundit.”, thuhet ne njoftimin e PD.
Kandidatët për Kryetar sipas renditjes në fletën e votimit janë:
1. Sali Berisha
2. Ibsen Elezi
“Anëtarët e Këshillit Kombëtar të PD do të votojnë në njërën prej dy qendrave të votimit në Selinë Qendrore të Partisë Demokratike, ose në degët ku ata janë të deleguar pasi të kenë njoftuar pranë Komisionit.”, behet e ditur në njoftim.
Zgjedhjet në PD zhvillohen ne një kohe qe partia mbetet e përçarë dhe pritet vendimi i gjykatës se Apelit për te kuptuar nëse vula dhe logo i takon Grupit te Alibeajt apo te Komisionit te Rithemelimit.
