Papa tregon ilaçin çudibërës për dhimbjen e gjunjëve: Ju duhet vetëm pak …

Papa Françesku duket se ka gjetur “ilaçin” ideal për dhimbjen e gjunjëve, e cila e ka detyruar të anulojë shumë nga aktivitetet e tij të fundit.

Me shaka ai rrëfeu ai para priftërinjve meksikanë, të cilët e pyetën për shëndetin e tij, se ajo që i duhej këmbës së tij ishte vetëm pak tekila. Biseda u filmua nga një prej priftërinjve meksikanë të mërkurën e kaluar dhe u postua në TikTok, duke bërë që ajo të bëhej virale.

“Si është gjuri juaj?”, e pyet një nga priftërinjtë.

“Është shumë kapriçioz. E dini çfarë më duhet për këmbën time? Pak tekila,”, tha papa, duke iu referuar problemit që e detyroi të paraqitej në një karrige me rrota për herë të parë në fillim të majit dhe të shtynte një udhëtim në Liban.

Prifti falënderoi Papën për humorin e tij të mirë pavarësisht dhimbjes, duke e shtyrë kreun e Kishës Katolike Romake të rrëfejë se do të ishte edhe më i gëzuar nëse do të kishte disa tekila në dorë.

Nuk është hera e parë që Françesku flet me shaaki për tekilën. Në vitin 2016, përpara një udhëtimi në Meksikë, një prift entuziast i thirri Françeskut në Sheshin e Shën Pjetrit “ne po të presim!”

“Me tekila apo pa tekila?”, pyeti papa me një buzëqeshje plot humor.